مەسرور بارزانی پێشوازی لە کۆنسوڵی گشتی نوێی کوەیت دەکات
سەرۆکی حکومەت پێشوازی لە کونسوڵی گشتی نوێی کوەیت دەکات
ئەمڕۆ 14ی ئەیلوول مەسرور بارزانی ، سەرۆکی حکومەتی هەرێمی کوردستان پێشوازی لە بەڕێز عوسمان داوود ئەلداوود کونسوڵی گشتیی نوێی کوەیت لە هەرێمی کوردستان کرد.
سەرۆکی حکومەت پیرۆزبایی لێکرد بەبۆنەی دەستبەکاربوونی و هیوای سەرکەوتن بۆ خواست لە ئەرکەکەیدا، لە پێناو برەودان بە پەیوەندیی دۆستانەی نێوان هەرێمی کوردستان و دەوڵەتی کوەیت.
کونسوڵی گشتیی کوەیت، خۆشحاڵی خۆی بە دەستبەرکاربوونی لە هەرێمی کوردستان نیشاندا و خواستی وڵاتەکەشی بۆ پەرەپێدانی هەمەلایەنەی پەیوەندییەکان دەربڕی.
